Campaña solidaria de recollida de alimentos
A sede da Coruña súmase á campaña de recollida de alimentos nos centros educativos
Desde o pasado 6 de novembro está dispoñible un espazo para a recollida de alimentos no hall do Centro Asociado (r/ Educación nº 3 - A Coruña) xunto á cafetería. Todas aquelas persoas interesadas en participar nesta campaña solidaria poden depositar as súas aportacións neste punto.
O Banco de Alimentos Rías Altas da Coruña, promotor desta iniciativa, recomenda principalmente a doazón de produtos non perecedoiros: conservas de peixe, vexetais, leite, cacao, galletas, aceite, legumes, etc.
O espazo de recollida estará dispoñible no Centro ata finais deste mes.
O Centro da Coruña súmase así á iniciativa de sensibilización nos centros educativos, promovendo a solidariedade entre a comunidade da UNED.
O noso máis sincero agradecemento a todas as persoas que estades a participar nesta iniciativa.
Podes consultar o cartel da campaña aquí.
----------------------------{}---------------------------
Síguenos en:
Disculpen las molestias.
Consulte el horario de atención al público en cada Servicio del Centro.
