A UNED Sénior da Coruña entregou en Guitiriz os diplomas ao alumnado do curso 2020-21
O acto contou coa presenza da alcaldesa de Guitiriz, un concelleiro de Lousame, un representante de Rianxo e profesores das diferentes Aulas onde se celebra o programa
Cun aforo limitado de 100 persoas, 97 alumnos e alumnas da UNED Sénior A Coruña das aulas de Guitiriz, Xermade, Monfero, Aranga, Paderne, Lousame, Brión e outros concellos do programa, gozaron o pasado martes 27 de xullo dunha emotiva reunión de fin de curso.
O alumnado máis veterano do noso Centro, procedente das diferentes Aulas que o programa Sénior da Coruña ten por toda a provincia, reuniuse en Guitiriz para recibir os diplomas deste curso 2020-21. O acto contou coa presenza de Dª. Marisol Morandeira, alcaldesa de Guitiriz e de D. Luís Rodríguez Patiño, coordinador da UNED Sénior da Coruña, así como representantes dos concellos de Lousame e Guitiriz, comezou ás 12:00 h e alongouse ata as 17:30 h.
A alerta sanitaria por coronavirus tamén fixo que este acto fose particular, cambiando o protocolo de cerimonias anteriores. Así, o alumnado permaneceu sentado, sendo os representantes políticos os que se achegaban a cada persoa para entregar o diploma e felicitarlles polo labor realizado durante este curso marcado pola pandemia.
Aproveitando que o día anterior conmemorábase o Día dos Avós, o alumnado presente realizou unha serie de lecturas de homenaxe ás nosas avoas e avós, coa que moitos dos presentes sentiron identificados. Mostra diso é a carta remitida por Josefina Calvo Sánchez, a quen considero xa nosa máis destacada cronista da UNED Sénior A Coruña, xa que sempre nos relata as súas impresións sobre as diferentes actividades realizadas e axúdanos a coñecer como vive o noso alumnado esta experiencia (podes ver o relato da actividade escrito por Josefina premendo aquí).
Durante a tarde, nos xardíns do complexo hostaleiro, tivo lugar a actuación musical das distintas aulas de música, aproveitando a presenza de alumnado e profesorado que se desprazou a Guitiriz desde os seus respectivos concellos.
Parabéns a todo o noso alumnado Sénior!
- Actuación musical das distintas aulas de música do programa Sénior da Coruña ao aire libre.
- A alcaldesa de Guitiriz entrega os diplomas ao alumnado presente xunto co coordinador do programa da UNED Sénior en A Coruña.
- O acto contou con representantes políticos de diferentes concellos nos que se celebra o programa Sénior da UNED A Coruña. Na foto superior, alcaldesa de Guitiriz e representante de Rianxo. Na foto inferior, concelleiro de Lousame. O programa Sénior conta con aulas nos tres concellos.
- De esquerda a dereita: Coordinador da UNED Sénior A Coruña, profesor de música da aula de Lousame, alcaldesa de Guitiriz, profesor de música das aulas de Guitiriz, Momán e Paderne, concelleira de Lousame e representante de Rianxo.
Más información en:
- Secretaría do C.A. UNED A Coruña, no teléfono: 981 14 50 51 ou no correo electrónico: info@a-coruna.uned.es
- Tamén podes solicitar información nos concellos colaboradores onde hai Aulas da UNED Sénior A Coruña.
