Comeza a convocatoria extraordinaria de exames

As probas presenciais terán lugar na semana do 2 ao 7 de setembro

O actual curso académico 2023-2024 rematará en setembro coa convocatoria extraordinaria de exames. Lembrámosvos que as probas presenciais desenvólvense nunha única semana de exames, do luns 2 ao sábado 7 de setembro.

Se tedes dúbidas sobre o calendario de exames dos estudos que estades a cursar, consultade a seguinte páxina web para confirmar as datas de cada convocatoria (febreiro, xuño e setembro).

Exames de reserva

As sesións de reserva para Grao e Mestrado en centros nacionais terán lugar o sábado 7 de setembro de acordo co seguinte horario: 

• 9:00 h.: para exames celebrados nas sesións do luns, martes e mércores.
• 16.00 h.: para exames celebrados nas sesións do xoves e venres.

Unicamente poderán concorrer aqueles estudantes a quen lles coincida dous ou máis materias no mesmo día e a mesma hora. Nos centros no exterior, tamén noutras circunstancias, como residencia nun país diferente ao centro, presentación en máis de dúas materias en datas que obriguen a un novo desprazamento, ou por motivos laborais xustificados.

Excepcionalmente, o Presidente/a valorará a solicitude por causas extraordinarias, que deberán quedar acreditadas con anterioridade á data prevista para as probas de reserva.

Nos estudos de Mestrado, os estudantes terán dereito a reserva sen autorización previa, pero si é recomendable enviar comunicación ao centro con anterioridade. 

Todos os estudantes presentaranse á hora de inicio da sesión. 

Poderanse realizar un máximo de 3 exames sen interrupción durante 4 horas. En caso de presentarse a 1 ou 2 exames, o tempo máximo axustarase ao establecido en cada un.

Como examinarse na UNED?: algúns consellos

En canto á realización de probas presenciais, a UNED aplica os seguintes criterios xerais comúns para estudos de Grao e Mestrado:

Entrada á aula

• Acode ao centro de exame 30 minutos antes do inicio da sesión.
• Presenta ao tribunal a túa identificación (carné de estudante e DNI ou pasaporte). Se non dispós de carné de estudante, contacta co teu centro asociado.
• A túa localización na aula está indicada na folla de cabeceira do teu exame.

Durante a sesión

• Le atentamente as instrucións do exame.
• Completa todos os teus datos en todas as follas que empregues.
• Non escribas no reverso da folla de cabeceira do exame.
• Unicamente poderás ter sobre a mesa o material permitido indicado no exame.
• Está prohibido o uso e tenencia de calquera dispositivo electrónico (móbiles, tabletas, smartwatches), que deberán estar apagados e fóra do alcance, así como o material non permitido sinalado no exame.

Entrega do exame

• Poderás entregar o teu exame 30 minutos despois do comezo da sesión, unha vez así o indique o tribunal.
• Revisa o exame na súa integridade. A folla de cabeceira debe ir en primeiro lugar. Anota nela o número de follas entregadas.
• Mostra ao tribunal a túa identificación.
• Fai a entrega en silencio, respectando aos compañeiros/as.
• A partir do día seguinte, terás dispoñible na Secretaría Virtual o certificado de asistencia.

Máis información

• Secretaría do C.A. UNED A Coruña no teléfono 981 14 50 51 ou no correo electrónico info@a-coruna.uned.es.

• Secretaría do Aula UNED de Ferrol no teléfono 981 36 40 26 ou no correo electrónico info@ferrol.uned.es.