Prepara os teus exames

Organiza o estudo segundo o tipo de exame.

O tipo de exame proposto en cada materia condiciona en boa medida a súa preparación.

O exame tipo test

• Recomendable a lectura e elaboración de esquemas ou resumos con moita precisión, incluíndo os detalles, a miúdo son obxecto de preguntas.
• Analiza exemplos de exames de convocatorias anteriores.
• Pon moita atención ás instrucións xerais do exame.
• Debes ter moi claro o tempo dispoñible.
• Necesitas saber se penalizan as respostas equivocadas.
• Aclara se se pode borrar/cambiar en caso de erro.
• Actúa con orde, controla o tempo:
• Debes ler con atención o enunciado, tendo claro que te piden.
• Anticipa mentalmente unha resposta antes de ler as alternativas.
• Controla ben todas as alternativas de resposta: non se trata de marcar a primeira que che poida parecer boa; trátase de encontrar a mellor.
• Se a resposta mental que anticiparas non se corresponde con ningunha das que che ofrecen, debes actuar por exclusión, eliminando as que con seguridade son incorrectas.
• Se dúbidas entre dous, é mellor decidirte pola que consideres máis acertada, poñendo a atención atención ás palabras clave e aos adverbios e locucións adverbiais (sempre, nunca, ás veces, moito, pouco, nada, todos, algúns, ningún, etc.).
• Nunha primeira lectura, hai que constatar as preguntas que sabes con seguridade, as que che resultan doadas, sen pararte ante unha pregunta difícil.
• Debemos controlar o tempo: se te falta, é preferible dedicalo ás preguntas máis difíciles e dubidosas que nas que poderías ter contestado ben con seguridade. Despois iraste detendo nas preguntas que presenten máis dificultade.
• Se se valoran negativamente as respostas erróneas, hai que adoptar a estratexia de deixar en branco as preguntas que che resulten totalmente descoñecidas ou que presenten serias dúbidas.
• Xeralmente, só hai unha alternativa de resposta correcta para cada pregunta; polo tanto, nunca hai que sinalar máis dunha, salvo que no enunciado se especifique que poida haber máis dunha correcta.
• Moitas veces hai que marcar as respostas en folla de respostas á parte, tamén denominada folla de lectura óptica. Haberá que ter coidado de marcar de modo que coincida o número da pregunta co número da resposta. Se respondes as preguntasde forma salteada é máis doado equivocarse.

O exame de composición escrita: preguntas curtas

Recomendacións:

• Procura non deixar preguntas en branco.
• Se che falta tempo para rematar, convén deixar inacabada a penúltima pregunta e escribir o esencial da última.
• Convén empezar polas preguntas que che resulten máis doadas, deixando para o final as máis difíciles e longas.
• Se sabes moi pouco dalgunha pregunta, debes reflexionar sobre o que recordas e pode estar relacionado co tema, tratando de deducir a resposta e elaborando un guión baseado en aspectos estudados.

O exame de composición escrita: composición-redacción dun tema

Pode consistir no desenvolvemento dun tema ou ben na realización dun comentario de texto. En xeral, neste tipo de proba valórase a capacidade para relacionar ideas con orde e claridade, así como a aptitude para manexar de forma correcta os conceptos e terminoloxía propios dunha temática.

Desenvolvemento dun tema:

• Escribe nun borrador en papel á parte, comezando por anotar todas as ideas, puntos e apartados que dalgún modo teñen que quedar reflectidos.
• Estrutura todo o conxunto de datos, facendo un esquema-guión.
• Selecciona as ideas máis importantes.
• É conveniente que o devandito esquema apareza ao inicio do desenvolvemento do tema, estruturado en apartados e subapartados.
• Selecciona o máis relevante, tratando de dar un enfoque global centrado na cuestión principal que che propoñen; é dicir, non saírte do tema.
• Convén, ao final, incluír un punto de conclusións ou valoración persoal.
• Polo tanto, o tema terá tres partes ben diferenciadas: Esquema, Desenvolvemento e Conclusións.
• Un bo principio e un bo final son moi importantes neste tipo de probas, así como unha clara estruturación de ideas.

Comentario de texto:

Dependendo de cada tipo de texto, haberá que introducir aspectos propios da disciplina de que se trate, e estes virán dados polas características da propia materia.

• Lectura comprensiva e analítica do texto.
• Identificación e contextualización.
• Tema principal que trata.
• Estrutura das ideas que aborda.
• Análise da forma.
• Conclusión.

Exercicios prácticos e problemas

Para este tipo de exame haberá que seguir as pautas marcadas nas correspondentes materias. Non hai recomendacións válidas para todos os exames de tipo práctico. É obvio que requiren un adestramento previo.

Máis información aquí.

Fonte: Araceli Sebastián. Belén Ballesteros. Mari Fé Sánchez García. TÉCNICAS DE ESTUDIO (COIE UNED).