Firma de Convenio UNED e COGITI

Estudantes e titulados recentes da UNED en Enxeñería Industrial, poderán acceder a bolsas, prácticas, precolegiación, premios e bolsa de emprego.

Onte 23 de setembro, Alejandro Tiana, reitor da UNED e José Antonio Galdón, presidente do Consello Xeral da Enxeñería Técnica Industrial (COGITI), asinaron, nas instalacións do Reitorado da UNED, un convenio de colaboración que permitirá ao colectivo de estudantes e egresados recentes da Escola Superior Técnica de Enxeñeiros Industriais desta Universidade, acceder a bolsas, prácticas, precolegiación, premios e á bolsa de emprego.

Esta recente colaboración permitirá aos estudantes de Grao en Enxeñería Industral, inscribirse de forma gratuíta nos Colexios Profesionais adscritos ao COGITI como precolegiados. Isto permitiralles acceder a distintos servizos dos Colexios, entre eles figura o desenvolvemento de prácticas, asesoramento, ou a colaboración en proxectos fin de carreira. Nesta mesma liña e froito deste convenio, os Colexios Profesionais abrirán a este colectivo UNED a súa bolsa de emprego e programas formativos que poñan en marcha, bolsas ou premios que organicen.

Para pechar este recente percorrido colaborativo, entre a institución académica e o colectivo profesional, contémplase o compromiso de compartir xornadas, seminarios, cursos, conferencias e foros nos seus programas de formación e actualización de coñecemento.

Máis información sobre esta noticia en sede central da UNED, e no Consello Xeral da Enxeñería Técnica Industrial, COGITI.

Colexio Oficial de Enxeñeiros Técnicos Industriais da Coruña (COETICOR).

------------------------~()~-----------------------

Síguenos en:

Facebook

Twitter

Google+

Youtube