Curso "Historia do Turismo Cultural en España"
Do 11 ao 15 de decembro nas modalidades presencial desde a sede da Coruña, en liña e en diferido.
O Centro Asociado UNED A Coruña, desde o programa de Extensión Universitaria e Cultural, acollerá o curso "Historia do Turismo Cultural en España". Esta actividade divídese en cinco sesións en xornada de mañá que se impartirán do 11 ao 15 de decembro de 2017.
Durante as exposicións farase unha aproximación ao contexto e análise dos factores positivos e negativos do desenvolvemento turístico en España, igualmente farase unha reflexión dos problemas do patrimonio cultural na súa relación co turismo, abordaranse as habilidades na transmisión de ideas e conceptos relacionados co patrimonio e falarase dos coñecementos básicos sobre xestión de recursos turístico-culturais.
Da docencia é responsable Patricia Cupeiro López, profesora e Doutora en Historia da arte na Universidade de Santiago de Compostela, e a dirección estará a cargo de Antón Álvarez Sousa, catedrático da Universidade da Coruña e profesor titor no Centro Asociado UNED A Coruña.
O curso certificarase con 1 crédito ECTS e 2 créditos de libre configuración e poderase seguir desde a sede na Coruña, en liña e en diferido.
----------------------------{}---------------------------
Síguenos en:
Disculpen las molestias.
