Aula de Ferrol. Curso "Réxime Xeral de Estranxeiría. Residencia por circunstancias excepcionais e reagrupación familiar de persoas estranxeiras en España"
Celebrarase os días 22 e 23 de febreiro e poderá seguirse en liña, en diferido ou ben desde as instalacións da rúa María, en Ferrol.
A UNED A Coruña organiza unha nova actividade formativa de temática legal, centrada na lexislación específica de estranxeiría en España. Trátase dunha segunda parte do curso "Réxime Xeral de Estranxeiría. Estancia e residencia de persoas estranxeiras en España" que se celebrou os días 14 e 15 de decembro e contou cun nutrido grupo de participantes.
A proposta prevista para os días 22 e 23 de febreiro en xornada de tarde, recolle o título "Réxime Xeral de Estranxeiría. Residencia por circunstancias excepcionais e reagrupación familiar de persoas estranxeiras en España".
Carlos Villar Arévalo, licenciado en Dereito, especialista en Dereito de Estranxeiría e Migracións, será o responsable de abordar a primeira parte do curso, que tratará cuestións relativas á residencia por razóns humanitarias, a protección internacional ou a colaboración coas autoridades policiais e fiscais. A residencia temporal e traballo para mulleres estranxeiras vítimas de violencia de xénero ou que foron obxecto de trata de seres humanos.
A segunda sesión, a cargo de Elena Maison Díaz da Rocha, licenciada en Dereito e experta en Cooperación ao Desenvolvemento, exporá materias referidas á reagrupación familiar: familiares reagrupables; requisitos e procedemento ou o trámite de renovación.
As clases poderán seguirse en liña, en diferido ou ben desde as instalacións da aula da UNED A Coruña en Ferrol, situadas na rúa María, 52-54.
A realización do curso certificarase con 1 crédito ECTS e 2 créditos de libre configuración e está en trámite a homologación da Academia Galega de Seguridade Pública.
----------------------------{}---------------------------
Síguenos en:
Disculpen las molestias.
Consulte el horario de atención al público en cada Servicio del Centro.
