O profesor Marco de la Rasilla dará una conferencia este xoves 28 na UNED da Coruña
O relatorio leva por título "O grupo neanderthal de El Sidrón (Piloña, Asturias)", é de acceso gratuíto e está dirixida ao público en xeral
O xoves 28 de febreiro ás 19:00h celebrarase na sede da Coruña a conferencia "O grupo neandertal de El Sidrón (Piloña, Asturias)", impartida polo prestixioso investigador Marco de la Rasilla Vives, profesor titular de Prehistoria da Universidade de Oviedo. A actividade está dirixida por María J. Loira Enríquez, profesora-titora dos graos en Xeografía e Historia e Historia da arte no Centro UNED da Coruña.
O profesor Marco de la Rasilla falará da investigación realizada na Cova de El Sidrón (Piloña, Asturias), que presenta a relación de neandertais máis numerosa da Península Ibérica; o equipo de El Sidrón achegou interesantes datos ao coñecemento que hoxe día tense do Homo neanderthalensis, participando no Neanderthal Genoma Project. O relator é un dos principais investigadores nese ámbito, cuxos proxectos tiveron como colaboradores, entre outros, o Australian National University ( Research School of Earth Sciences) e o Max Planck Institute or Evolutionary Biology de Lepzig.
A asistencia está aberta a calquera persoa interesada na temática, aínda que pode resultar de especial interese para estudantes dos graos e másteres en Xeografía e Historia, Historia da Arte, Antropoloxía Social e Cultural, etc. É necesaria a inscrición previa e pode seguirse tanto en modalidade presencial como por Internet en directo a través de streaming.
Podes inscribirte gratuitamente na actividade aquí.
Esta conferencia está incluída na programación “Os xoves culturais na UNED A Coruña”. Consulta o resto de actividades programadas aquí.
Máis información na Secretaría do Centro: r/ Eduación, 3 – 15001, A Coruña, no teléfono 981145051 ou no correo electrónico info@a-coruna.uned.es.
Imaxe: Marco de la Rasilla. Fonte: El Comercio, 13/03/2017.
>>Nota de Prensa<<
------------------------------{}-----------------------------
Síguenos en:
Disculpen las molestias.
Consulte el horario de atención al público en cada Servicio del Centro.
