Charla gratuíta sobre "A AME (Atrofia Muscular Espinal)"
Actividade gratuíta aberta ao público en xeral organizada pola Delegación de Estudantes do Centro da Coruña que se celebrará o vindeiro luns 01 de abril nas modalidades presencial e en liña (streaming directo)
A Delegación de Estudantes do Centro organiza está charla enfocada na enfermidade da AME (Atrofia Muscular Espinal), unha enfermidade neuromuscular, de carácter xenético, que se manifesta por unha perda progresiva da forza muscular debido á afectación das neuronas motoras da medula espinal, que fai que o impulso nervioso non se poida transmitir correctamente aos músculos e que estes se atrofien.
Na charla falarase da incidencia desta enfermidade nos nenos con AME tipo I de España e dos avances grazas ao tratamento experimental con spinraza, que logrou que sexan os primeiros infantes con AME tipo I que conseguiron pasar dos 6 meses de vida.
A exposición sobre esta enfermidade estará a cargo principalmente da Asociación Andreas a través de Jéssica Inés Muíños Reyes, presidenta da entidade, Marina Villar Salgado, vicepresidenta e Beatriz Ana Morales Iglesias, secretaria da mesma. Tamén intervirá María del Carmen Jimeno Esteo, fisioterapeuta respiratoria, achegando unha visión específica sobre os aspectos médicos da AME.
A actividade celebrarase o vindeiro luns 01 de abril ás 19:00h no salón de actos da sede da UNED da Coruña, aínda que se pode seguir tamén online, en directo a través de streaming ; para iso é necesario inscribirse na actividade (podes facelo aquí)
Máis información no servizo de Secretaría do Centro UNED A Coruña (rúa Educación, 3 – 15011 A Coruña), no teléfono: 981 14 50 51 ou no correo electrónico: info@a-coruna.uned.es
----------------------------{}---------------------------
Síguenos en:
Disculpen las molestias.
Consulte el horario de atención al público en cada Servicio del Centro.
