Aula de Ferrol. "Intervención psicolóxica en catástrofes e emerxencias"
María Penado Abilleira, doutora en Psicoloxía Legal e Forense, imparte o curso durante os días 9 e 10 de novembro.
O curso "Intervención psicolóxica en catástrofes e emerxencias" introducirá aos participantes no campo da Psicoloxía en situacións de emerxencia. Estudaranse as reaccións máis comúns neste tipo de situacións; factores moduladores, trastornos derivados da crise, desastres e catástrofes e instrumentos de avaliación.
Esta actividade, que se desenvolverá os días 9 e 10 de novembro en xornada de tarde na extensión de Ferrol, está dirixida principalmente a membros de Forzas de Corpos de Seguriad do Estado. As modalidades de seguimento son presencial, en liña e en diferido e solicitouse a homologación da Academia Galega de Seguridade Pública (AGASP). Ao seu termo concederase 1 crédito ECTS e 2 créditos de libre configuración.
A dirección do curso e a súa docencia estará a cargo de María Penado Abilleira, doutora en Psicoloxía Legal e Forense.
Todas as persoas interesadas poderán inscribirse na actividade a través da páxina web da UNED A Coruña, chamando por teléfono ao 981 14 50 51 ou nas propias instalacións do Centro Asociado.
----------------------------{}---------------------------
Síguenos en:
Disculpen las molestias.
