Curso "Prácticas en Mediación"
O curso celebrarase do 6 ao 27 de abril, en xornada de tarde e nas modalidades en liña e presencial na sede da UNED na Coruña.
O Ciclo de Mediación que se programa desde fai varios cursos desde o Centro Asociado UNED A Coruña con carácter anual, finaliza, para este curso 2017/2018, coa última entrega docente: "Prácticas en Mediación" . Este último curso exponse co obxectivo de abordar a Mediación a través de exemplos prácticos, utilizando técnicas de simulación e role- playing.
Rosa Sánchez González-Dans, , avogada en exercicio e Máster en Mediación, baixo a dirección de Inmaculada García Presas, profesora de Dereito Civil na Universidade da Coruña e profesora titora neste Centro Asociado, será a responsable -como en ocasións anteriores- de conducir a actividade formativa.
Ao longo das 25 horas lectivas, polas que se certificará con 1 crédito ECTS e 2 créditos de libre configuración, traballaranse as técnicas e as fases do proceso de Mediación en diferentes ámbitos, con métodos de participación dinámicos que contribúan a desempeñar a actividade mediadora con eficacia e profesionalidade.
----------------------------{}---------------------------
Síguenos en:
