MARTES DA UNED
Os Martes da UNED de marzo reflexionan sobre arte, historia e igualdade
No marco do 8 de marzo, Día Internacional da Muller, este mes o noso ciclo Martes de la UNED ofrece catro conferencias de divulgación cultural e científica que abordan, desde distintas perspectivas, o papel das mulleres na historia, na arte e na construción social contemporánea.
O ciclo comezará o 3 de marzo coa conferencia EL ARTE TOTAL SE LLAMA LOUISE. Semblanza variopinta de Louise Bourgeois, impartida por Ana Álvarez Veira, profesora titulada en Diseño de Moda, técnica superior en Ilustración e Artes Plásticas e graduada en Historia del Arte pola UNED. A sesión proporá un percorrido pola traxectoria vital e artística de Louise Bourgeois, figura clave da arte contemporánea.
O 10 de marzo, a doutora en Psicoloxía Laura Redondo Gutiérrez ofrecerá a conferencia La construcción de la desigualdad: del sexismo a la violencia, na que analizará as raíces sociais e culturais da desigualdade entre homes e mulleres, así como as claves para a súa detección e prevención desde un enfoque técnico-científico.
O 17 de marzo, a doutora en Historia Helena López Gómez, investigadora posdoutoral Juan de la Cierva na Universidade de Vigo, convidaranos a coñecer La vida de las mujeres en Roma, analizando os distintos roles, responsabilidades e realidades femininas na sociedade romana segundo as fontes históricas dispoñibles.
O ciclo pecharase o 24 de marzo conLa lana, algo más que una fibra textil, a cargo de Rosalía Bello Cao, artista gráfica graduada en Belas Artes, e María Garaboa Vilariño, investigadora do sector lanero e licenciada en Ciencias Políticas e Sociología. A conferencia poñerá en valor a la como materia prima profundamente vinculada á historia económica e cultural da península ibérica.
Todas as conferencias celebraranse ás 19:00 horas, con modalidade presencial en A Coruña e con retransmisión online en directo e en diferido. A inscrición é gratuíta e pode realizarse a través da web de Extensión Universitaria.
Con esta programación de marzo, o noso Centro reafirma o compromiso da UNED coa igualdade de xénero, a reflexión crítica e a transferencia de coñecemento á sociedade, promovendo, unha vez máis, espazos de diálogo e pensamento crítico abertos a toda a cidadanía.
Máis información
- Secretaría do C.A. UNED A Coruña no teléfono 981 14 50 51 ou no correo electrónico info@a-coruna.uned.es
- Secretaría del Aula UNED de Ferrol no teléfono 981 36 40 26 ou no correo electrónico info@ferrol.uned.es
Síguenos en redes
Consulte el horario de atención al público en cada Servicio del Centro.
