Curso "Réxime Comunitario de Estranxeiría"

Nova actividade formativa homologada provisionalmente pola Academia Galega de Seguridade Pública (AGASP), prevista para os días 10 e 11 de xaneiro nas modalidades presencial e en liña (streaming directo e diferido).

Carlos Villar Arévalo, licenciado en Dereito, especialista en Dereito de Estranxeiría e Migracións, será o encargado de impartir o curso "Réxime Comunitario en Estranxeiría" os días 10 e 11 de xaneiro de 2019 na Aula de Ferrol. Impartirase en horario de tarde e pódese asistir de forma presencial ou ben por Internet a través de  streaming directo ou en diferido.    

O curso consta de 25 horas lectivas e, como en ocasións anteriores, solicitouse a homologación da Academia Galega de Seguridade Pública (AGASP). Tamén está en trámite de ser recoñecido con 1 crédito  ECTS.    

Neste curso abordaranse de forma pormenorizada os coñecementos relacionados co Réxime Comunitario de Estranxeiría, analizando a lexislación da Comunidade Europea. A finalidade é profundar nos conceptos básicos necesarios para comprender a lexislación en relación coa libre circulación e residencia de cidadáns dos Estados membros da Unión Europea e capacitar ao alumnado na aplicación práctica da lexislación actual en Estancia e Residencia de persoas comunitarias en España.    

Este curso é de especial interese o alumnado dos graos e másteres en Dereito, Criminoloxía, Socioloxía, Traballo Social e Psicoloxía; pero tamén para o persoal das forzas e corpos de seguridade (Policía Nacional, Garda Civil, Policía Local, Policías Autonómicas e Policía Portuaria), así como para calquera persoa relacionada co ámbito da estranxeiría e público en xeral.  

Podes inscribirte na actividade aquí.    

Máis información na Aula Universitaria de Ferrol (R/María, 52-54, 15402 Ferrol):

Teléfono: 981 36 40 26

Email: info@ferrol.uned.es    

----------------------------{}---------------------------

Síguenos en:

Facebook

Twitter

Google+

Youtube Blog UNED Sénior A Coruña